Waman Parat Na Aala

Publisher: Mauj Publication

ISBN: 978-81-7486-790-2.

Number of Pages: 133

प्रेषित’ नंतरची ही माझी दुसरी विज्ञानकादंबरी. विज्ञानकथालेखन म्हणजे माझी रिकामपणची कामगिरी असल्याने त्यात सराईत लेखकाच्या लेखनाप्रमाणे सराईतपणा आणि सफाई नाही याची मला जाणीव आहे. ‘प्रेषित’वरील काही परीक्षणांत टीकाकारांनी ‘कादंबरीचे तंत्र’, ‘पात्रांच्या व्यक्तिरेखा’, ‘कथानकाचा साचा’ इत्यादी बाबतींत उणिवा दाखवून दिल्या तर काहींना भाषेतील इंग्रजी शब्दांचे अतिक्रमण खटकले. त्याउलट अनेक वाचकांनी स्वयंस्फूर्तपणे कादंबरी आवडली म्हणून दाद देणारी पत्रे लिहिली. वाचक आणि टीकाकार दोघांचाही मी ऋणी आहे. वाचकांच्या प्रोत्साहनामुळे ही दुसरी कादंबरी लिहायला मी उद्युक्त झालो. टीकाकारांच्या प्रबोधनाचा कितपत परिणाम झाला ते ‘वामन’ वाचून टीकाकार सांगतीलच.