Shriman Yog

Publisher: Mehta Publication

ISBN: 8177668401

Number of Pages: 1147

शिवाजी महाराजांच्या जीवनावर आधारीत अत्यंत गाजलेली चरित्रात्मक कादंबरी. रणजीत देसाई यांनी या कादंबरीत शिवाजी महाराज यांच्या राजकीय आयुष्यासोबतच त्यांच्या वैयक्तिक आयुष्याचाही वेध घेतला आहे. पुरंधरच्या तहाने धुळीला मिळालेले राज्य त्याच धुळीतून परत उठवून सुवर्णमय करण्याचे सामर्थ्य फक्त या एकाच महापुरुषात होते, ही इतिहासाची नोंद आहे. मुलगा, पती, बाप, मित्र, शिष्य इत्यादी संसारी नात्यांमधूनदेखील घडणारे या महापुरूषाचे दर्शन मन भारून टाकते. शिवाजी ही व्यक्तिरेखा फार मोठी आहे. तिचे शेकडो पैलू आहेत. शिवचरित्र हे कलावंतांपुढे कालातीत राहणारे असे आव्हान आहे. कितीही काळ लोटला तरी मरगळलेल्या, हताश झालेल्या समाजमनाला खडबडून जाग आणण्याचे सामर्थ्य फक्त शिवचरित्रातच आहे. शिवचरित्राचे भव्योदात्त उत्कट चित्रण करणारी ही कादंबरी.